La càsa d’or e li galerìi sepelìdi dàla rüina ilò al Castello di S. Maria (Castelàsc)

Credetemi, è un vero dispiacere intuire che questo mio racconto, scritto in una lingua che ormai pochi tiranesi conoscono, sia letto solo da alcuni vecchi nostalgici del nostro bell’ idioma. Il Mondo cambia, la vita cambia, tutto si evolve, ma siamo sicuri che tutto si evolve in bene e con il passar del tempo non perdiamo valori preziosi e non più recuperabili ? A voi un giudizio sereno e a me il rammarico di vivere in un Mondo ormai non più mio. Dunque questo mio scritto se sarà letto da una persona mi basta purché sia quella che riesce a tramandare il profumo delle nostre tradizioni. Questa storia è una storia raccontata e tramandata “

 bocca a bocca “ tra i “filò” dai vecchi di S. Maria. Noi vecchi l’abbiamo udita da giovani nelle stalle profumate di caldo sterco di mucca e piene di ragazzini che con occhi sognanti ascoltavano e interrogavano nonni e nonne. Sarà la verità? Non posso dire di sì e nemmeno negare, ma in ogni storia c’è sempre un fondo di verità storica e questa verità a volte emerge prepotente quanto meno te lo aspetti. Una buona occasione per ricordare questa storia saranno gli scavi delle gallerie della Tangenziale di Tirano nella zona del Castelàsc e del Dosso, sa sempre luoghi rovinosi della val dei Büi.  Buona lettura e a tutti noi buona Fortuna.    

Chèsta storia i ma l’à cüntàda sü 'l mè af che i gà l'éra cüntàda sü 'l sò bisàf e adès  la ma par ‘ndàcia perdüda e négün i sa la regòrda. Iscì ‘l ma dìcc ‘l véciu Pédru dé S. Maria, ‘n dé i àgn ’40 quàndu mi séri ‘n raisin. Mi la cünti sü parché sa la pödiss cüntàla sü ai  neudìn de ‘ncöö . ‘Ndel 1487 ‘n sciur de giù de ilò per Milàn che ‘l sa ciamàva Ludovicu ‘l Moru ‘l sa metüü ‘n cràpa de fa sü chilò a Tiràn ‘n Castèl par diféndes dai Grìsùn che i vuléva rubà li nòsi béli téri de Valtulìna. Iscì l’à pensàa de ‘ncaricà ‘n bràu ingegner de guèra che ‘l sa ciamàva Giuàn Francèsch Sanseverìn  e che l’éra àa Conte de Caiazzo. ‘N poch pü de sèt àgn, nel 1499 ‘l Castèl l’éra ‘n pè e àa quasi fàcc sü tücc i mür de cinta de Tiràn. Sègn che i Tiranès ièra bràu muradùu ! 

Li spési i éra stàci tanti e iscì iéra ubligàa la gént ‘n Val de ramà sü,  cun tàsi pesànti e fò dèli àsci 10.000 scudi d’or per pagà culscìna e lauréri. Ta ghée àa de savè che tütt chèl or, i sciur  i l’era metüü giù ‘n de ‘n gran casùn de légn  rinfursàa  cun bròchi de fèr  e i l’éra piacàa giù par ‘na cantina fùnda del Castelàsc ‘n atésa de pagà tüti li spesi. Chèi sciur però i éra stitìch ‘n dèl  pagà e iscì quasi tücc i scudi iéra amò giù ‘n del casùn. Quandù l’ingegner  l’éra prugetàa chèl Castèl l’éra mìga tant pràtech de chèl situ e iscì ‘l Castèl i la fàcc sü quasi sùta ‘na val che purtàva ogni tant rüina e che i la ciamàva Val dei Büi. Chèla bèla Val la purtàva tanta àqua, iscì tanta che parégi   funtàni deTiràn i ciàpava la so àqua per i büi: ‘n büi  l’éra chèl ciamàa büi Vècc, l’òtru l’éra chèl dé via S. Maria, ‘n òtru l’éra chèl fò al Dòss  e ’l pü bél l’éra chèl della Piazza D’Armi ilò al  palàz del Cumün.

L’éra l’an 1505, chèl bèl Castèl fàcc su da Ludovicu ‘l Moru l’éra uramài pasàa ‘n màa dei Francés e chèi de Milàn iéra duvüü scapà ‘n del Tiröl, sedenò i Francés ‘ i larès cupàa fò.  Iscì la suldatàglia francésa l’è ruàda chilò a Tiràn. Cüntàvi sü prìma che chèla Val la purtàva ‘n bòt ùgni tant la rüina. La rüìna   la svalgelàva ‘l Castelàsc,  la gésa de S. Maria e la rüàva fina giù àla porta Milanésa. ‘N chèla estàa del 1511 l’è rüàa amò giù la rüina dàla Val dei Büi e l’à ciapàa int amò ‘l Castelàsc, la via Trevìn e la via dé S. Maria. ’N chèl Castèl adès ‘l ghéra sü ‘l capitànu Malérba francés che l’éra ‘n canaula dé um, tacàa ai ghéi. L’éra truàa la càsa de or, chèla  per pagà li spési del Castèl e àa i sòo mur e la càsa  l’éra amò quasi rasa de scudi d’or. ‘L  Malèrba,fürbu pü de ‘n bìs,  i l’éra piacàda giù ‘n dé ‘na cantìna fùnda del Castèl, pròpi ‘n chèla cantìna ‘ndùa  ‘l partiva la galéria  fàcia apòsta per scàpa ‘n càsu che ‘l nemis l’arés circundàa ‘l Castèl. Chèla galeria l’éra fùnda pü dé 15 metri e la rüàva fìn int  tacàa a l’Ada ‘ndùa adès ‘l ghè ’l tir a sègn. L’òtra la partìva amò ilò e la rüàva fò al Castèl del Doss  e la sbucàva sùta la cripta déla gésa de S. Vigilio. Chèla nòcc 'l piuvéva de brüt, s’gà vedéva negùt.

'L  gh’èra 'n gìru nigügn parchè chèi fò al Dos i éra sentüü la scivèta besulà e i éra vedüü  'n cabrùn che 'l pìcàva i còren ‘n dèla gésa de S. Vigilio e i diséva che l'éra brüt sègn. De 'n bòt, sura ‘l Castèl l'è rüàa giù la rüina déla Val dei Büi e la suteràa in tòch de Castel ‘ndùa ‘l gh’éra la cantina fùnda cun ‘l scrign de òr e àa chèli dùi  galerii che u dìcc. ‘L Capitano Malèrba l’éra l’ùnich che ‘l savéva ‘ndùa l’éra piacàa la càsa d’or . A chèi témp i ruspi i gh’éra gnamò e scavà un muntùn de téra òlta 15 metri l’era  düra e ‘l gà vuléva grant témp .  Iscì ià cumincià  a cavà cun picùn e badìl quasi fin a quàtru metri  prufund, pòo però ‘l Malerba là dovüü scapà dal Castèl  e da Tiràn parchè i Grisùn i éra al Cunfin a Piatamala. Iscì del Malérba sa sa pü che fin là facc e la purtàa ‘l segretu dél post déla càsa d’or, dèla cantina fùnda e dèli dùi galerìi che üna la rüava a L’Ada e l’òtra al Doss ‘n dèla so tùmba. Iscì l’éra cüntàa sü, papàle papàle ‘l véciu Pédru de S. Maria, e nòtri raisìn ‘n sa restàa ilò a bùca avérta.

 Adéss che sòo scià uramài vècc e da alùra l’è pasàa tancc àgn go de fa savè chèsta storia. Parchè ?  Parchè ancöö 2 utubri 2021 u legiüü sui giurnài : “ DA TORINO a TIRANO e la Tangenziale parte”. L’è sègn che la Tangenzial de Tiràn l’è al via.  E alùra ? Alüra mi saròo ün de chèi che i spéra chè quàndu i fa i scav per li galerìi déla tangenzial ‘l sòltis fò chèla cantìna fùnda cun ‘l scrign d’or e li dùi galerìi, üna chè la porta a l’Ada e l’òtra al Dòss e pòo ànca la surgìva de àqua iscì bùna déla Val dei Büi, preziusa cùma al di de ‘ncöö cùme l’òr. ‘Na racumandaziùn: quàndu sa truerà ‘l scrign piée de munédi d’or, l’or i la duperis per giustà su ‘l piazzal de la Gèsa de Madòna de Tiràn e àa per fa sü vargùt de bèl ilò a la “ Stèpa del Rudùn “   che adès  ‘l gìruvàga nùma dùu asèn a sbrùca li erbàsci.

Ezio (Méngu)