I "ghèi" (soldi) sono il motore del Mondo?

Purtroppo al giorno d’oggi nel mondo della politica e in quello economico sembra prevalere spesso una regola e cioè: fare soldi e affari. Da questa dura e spietata filosofia d’agire nasce il detto “gli affari sono affari “ per cui negli affari non siamo più amici, caso mai siamo “ soci d’affari “. Vale, in questo caso anche il detto , quando le cose vanno male “ ognun per sé e Dio per tutti “. Senza dubbio questa espressione è cristianamente immorale ed è da dove scaturiscono gli imbrogli, le tentazioni e qui il senso della buona morale, sotto i colpi della disonestà collettiva, va in frantumi.

Con questo spietato “ andazzo “ la società stessa va in frantumi e insieme ad essa sfumano quei principi di solidarietà e amore innati nell’animo umano. 

Sovente, per nostra sventura, giustifichiamo la nostra coscienza sarcasticamente con il detto  “gli  affari sono affari“  senza porre  null’altra obiezione dimenticando di impegnarci in una logica tra morale- affare impostata sulla logica della fraternità.

I afàri iè afàri

L'è rée a nas 'l sul sü 'l Murtiröl,

l'ària fìna la strénc la cràpa,

sa sént urscèi a cantà cùma puiatìn.

Sòo sü  a Runch e vàrdi giù 'l mè paés.

'L par 'n vèrum fort e quièt che 'l dòrma

'n mèz a li muntàgni.

Giù ilò 'l par tüt quièt ma l'è mìga iscì.

Ùgni ca la g’à int 'l sò fracàs!

Ùgni cör 'l pìca divèrs del to.

Ùgni cràpa la g’à int 'l sò caröl.

Vàrdi 'nsü.

'L ciél l'è cùma 'n cristàl

cun derée vargün

che spìa e 'l làsa fa.

L'è rüàa mesdì.

La Val la rembùmba de rumùr

e 'l ma par de sentì

usà sü rabbiùs: "i afàri i è afàri,

ugnün par sè, Dìu par tücc!"

Vàrdi e scùlti mèi!

Sénti 'na us fìna e quièta che la dis:

"Vàrda giù 'l to paés,

l'è cùma 'n furmighée

piée de màchini cun um e fèmni

che i pòrta crus e delìzi.

Vargün giù ilò i piàncc

cun la grignaröla süi déncc.

Vargün giù ilò i sa ùsma

ün cun l'òtru par cunsulàs.

Vargün giù ilò i è dabée

e i pàsa per cuiùn.

I giuàn i è vècc

e i vècc i è strach,

Chèi matòo sénsa pas

i sa fèrma mài per pusà.

Ilò al Crap dèl Düch

i trarà giù 'l sach

e i vegnerà tücc fradèi sénsa vulél.

Li béghi, li ficàdi,

i ghèi, tüta la ròba

ramàda scià cun angùsa la deleguerà

cùma név al sul."

L'è vegnüü nocc.

Svét giù 'n Val stralüsì li lüs deli màchini

cùma panavèli màti.

Sentàa sùta 'na piànta de tìgliu

vàrdi 'l ciél scur sénsa lüna

e dìsi cùma 'n ciucàt:

"Dìu Sàntu, Tì che ta pàrlat

cun la us quièta e fìna del cör,

Tì che ta làset fa ànca chèl

che spöderès mìga fa,

parchè 'n g’à de specià de murì

par pusà 'n pìt e diventà tücc fradèi?

Dìu Sàntu, parchè 'l mund l'è vegnüü 'n

furmighée de furmìghi màti e sénsa pàs?"

La us quièta e fìna del cör la tas!

Sa sènt apèna vergün che ùsa sü rabbiùs

"i afàri iè afàri,

ugnün par sè, Dìu par tücc!

e bunanòcc sunadùu!"

Ezio (Méngu)