Il peto della nonna Celestina

Ragazzi !Toccate ferro, fatevi il segno della croce, perché oggi vi racconterò la storia dell’ultima strega di Tirano bruciata al rogo laggiù in quel sito di campagna che ancora adesso chiamano “ La Giustizia”.

Questa è una storia tramandata di bocca in bocca dai vecchi della contrada di S. Maria.

Mia nonna Virginia che era come uno scrigno di ricordi , una sera che nevischiava e che eravamo accanto al focolare con un paiolo colmo di castagne bollite che borbottava e con appresso il vecchio Pietro che russava , mi ha raccontato questa storia .

Tanti anni e tanti anni fa, si parla di tempi lontani, quando il beato Mario andava in giro con lo zaino come un pitocco per tutta la Valtellina elemosinando i soldi per costruire la chiesa ( a Madonna ) e quando i preti e i frati comandavano con il bastone di Dio in mano e accendevano il fuoco sotto il sedere della gente per inquisirla. Purtroppo era proprio il tempo di Carlo Codega bruciato arrostito.

Ora state ad ascoltare bene.

Era il mese di maggio, i maggiolini e i moscerini allora si attaccavano al cavallo dei pantaloni dei nostri poveri vecchi per gli odori che emanavano. Sporcizia e puzza c’era ovunque, però la gente era timorata di Dio e correva a pulirsi l’anima a novena nella chiesa di S. Martino; lì predicava un frate giunto dal lontano sud che chiamavano : il frate Strozzaluteri!

Era un frate disordinato, con una faccia pallida e una barba rada e untuosa da sembrare la mammella di una pecora. Portava una casacca piena di buchi e sandali curvi come le corna di una mucca, predicava con una prepotenza e una rabbia da far fuggire i sassi dell’Adda.

Questo frate aveva sempre in mano il Crocefisso e quando predicava sembrava battesse un bastone sopra la povera gente; finito di predicare si dava tre forti pugni in faccia come penitenza. Eh, allora i preti facevano così, adesso non più!

Quella sera la chiesa di S. Martino in Tirano era affollata. Sette donne, tutte nonne e pie, erano sedute nei banchi sotto il pulpito e ascoltavano la predica del frate Strozzaluteri come chiocce che stanno facendo l’uovo!

Ragazzi ! Che predica fece il frate Strazzaluteri!

Gli uomini erano tutti spaventati per il castigo di Dio promesso dal frate e tremanti si mangiavano il cappello, le donne piangevano come upupe con le mani nei capelli.

Ascoltate bene che pandemonio successe.

Il frate, che in una mano aveva il Crocefisso e nell’altra il turibolo acceso, sembrava avesse il fuoco nel sedere. Gridava che i Tiranesi erano manigoldi e avari e che tra poco sarebbero suonate le sette trombe del giudizio universale; gridava loro di pentirsi e intanto faceva oscillare avanti e indietro crocefisso e turibolo come fossero due frasche di abete.

Sventura! Tutto d’un tratto si sono incrociati crocefisso e turibolo e in modo violento sono andati a sbattere contro il ferro che sorreggeva il pulpito .

Misericordia! La testa del Signore del Crocefisso è volata via come un pallino da schioppo. Al frate Strozzaluteri era rimasta in mano la croce con lo stomaco, le braccia e gambe di nostro Signore, mentre la cenere e le scintille del turibolo sono cadute sopra la testa delle sette nonne pie.

La testa del Signore è caduta sui banchi dove oravano le nonne, poi è rimbalzata per sette volte sopra il pavimento in pietra della chiesa e si è fermata con gli occhi sbarrati sulle sette pie nonne che avevano i denti che martellavano dalla paura. Sembrava fossero suonati sette botti a mezzanotte tanto era forte il rumore in quel silenzio di tomba.

Momento orribile ! Tutte le nonne erano nei banchi spaventate e raccolte a grappolo per lo spavento e a una è sfuggito un grande peto.

E che peto , ragazzi!!

Allora le nonne erano capaci di scoreggiare come i gatti ad arrampicare !

Quello sì che era un peto nostrano di nonna, peccato che allora non v’erano i registratori perché sarebbe stato bello tramandare ai nipoti.

Quel peto fatto da nonna Celestina era una cosa da mettere in cornice !

E ’stato un peto lungo e con uno stridio che molti uomini si sono buttati sotto i banchi per la paura che fosse ceduto l’architrave della chiesa.

Sentendo quella intonazione, quel dannato frate ha incominciato a gridare con le mani alzate a Dio; quel tuono segnava la rovina di tutta Tirano e della sua discendenza fino alla generazione del 2000.

Poi, come fosse un cane da caccia, ha iniziato ad annusare e dopo un poco, con le mani nei capelli ha gridato: io sento puzza di zolfo, io sento il calore della fiamme dell’inferno, quella che ha scoreggiato in questo luogo è figlia del caprone eterno !

Sono sette le donne, una è un demonio ,quella che ha scoreggiato con il peto che puzza di zolfo sia messa al rogo.

Le sette nonne intimorite dalle urla del frate borbottavano rosari come un paiolo di polenta che bolle, gli uomini guardavano intorno e annusavano come cani da caccia senza riuscire a capire da quale parte arrivasse la puzza di zolfo.

Fatto sta che per tre giorni il frate Strozzaluteri ha cercato di sapere chi delle sette pie nonne avesse scoreggiato, ma le nonne sono rimaste mute come tombe.

Così l’ultimo giorno di maggio , le nonne sono state portate sopra un carro tirato da due buoi nel sito di campagna chiamato “Giustizia” . e messe intorno ad un palo con intorno un mucchio di legna.

C’era il frate predicatore, il Podestà, e tutta la popolazione di Tirano con forconi e falci. Il frate Strozzaluteri , con un focherello acceso in mano ha detto ; ” o nonne, siete in sette, una di voi è quella che ha il peto che puzza di zolfo, quella è figlia del caprone eterno, con il fuoco in mano voglio ascoltare il vostro peto per giudicare. Allora una alla volta le nonne hanno scoreggiato e il frate Strozzaluteri annusava e giudicava.

Quando ha scoreggiato la nonna Celestina è stato come se fosse caduto il Canalone, il peto assomigliava ad un borbottio di sassi caduti da un canalone .

La tonaca del frate sembrava una bandiera , il Podestà è corso a raccogliere il suo cappello nei sassi dell’Adda,l a gente si era unita a grappolo tutta insieme per non essere buttata per terra.

In un amen, la nonna Celestina si è incendiata come fosse stato un fascio di ramaglie, al frate Strozzaluteri si è incendiata la tonaca , la barba e i capelli ed è rimasto nudo come il sedere di un maiale mostrando le sue vergogne.

La povera nonna Celestina è bruciata come un fiammifero con una grande puzza di zolfo.

****

Questa è la storia della nonna Celestina, l’ultima “strega “ bruciata al rogo laggiù alla Giustizia; la sua colpa era stata, povera come era, di mangiare per tutta la vita barbabietole e le barbabietole si sa che gonfiano la pancia d’ aria che puzza di zolfo e che si incendia per poco o nulla. Finita la storia dolorosa , ho scosso per un braccio Pietro che russava presso il focolare acceso, gli ho chiesto se questa storia tramandata era vera e lui per risposta , con una mossa di chiappe che appena i grandi nonni conoscono, ha scaricato un peto secco come un corallo che ha spento il fuoco e fatto traballare il paiolo delle castagne e poi ha detto.” birichino d’un ragazzo, ricordati sempre che ad essere poveri e aver a che fare con la gente che ha studiato, se scoreggi nel posto sbagliato ti condanneranno al rogo”.

CLICCA QUI PER ASCOLTARE IL FILE AUDIO

Matèi! Tuchìi fèr, fìi 'l sègn dèla crus parchè 'ncöö va cünteròo sü 'la stòria de l' ültima strèga de Tiràn brusàda giù de igliò par chèl toch de campàgna che amò adès i la ciàma “La Giüstizia”.

Chèsta l'è 'na stòria tramandàda bùca a bùca dài vècc dèla cuntràda de S.Maria.

La mè àva Virgìnia, che l'éra cùma 'n scrign de regòrcc, 'na sìra che ’l fiuchisnàva e che 'n séra ilò tacàa al fugulàa cun an paröl piée dè ferüdi che burbutàva e cun ilò tacàa 'l véciu Pédru che 'l sciurgnàva, ‘l ma cuntàa a sü 'sta stòria.

Tanc e tanc agn fa, s’pàrla dèi témp quàndu 'l beàtu Mariu Umodéu ‘l vàva 'ngìru cun 'l rutsàch cùma 'n por làu par tüta la Valtulìna a ramà sü ghèì par fa sü la gésa ilò a Madòna e quàndu i prèvat e i fràa i cumandàva cun al bastùn de Diu 'n màa e i pizzàva 'l föcc sùta 'l cül dèla gént.

L'éra pròpi 'l témp de Carlu Cùdega brusàa a rost!

E adès stìi a scultà bée.

L'éra 'l més de macc, i quàzzi e i musìn alùra i sa tacàva al cül dèli bràghi dei noss por vècc par i udùr che gh’éra 'ngìru. Brudeghìgia e spüzza ga n'éra da par tüt parò la gént l'éra timuràda de Diu e i curéva a sgüràs l'ànima a nuvéna ilò al S. Martin e ‘l predicàva 'n fràa vegnüü de giù de giù de igliò che i lu ciamàva: ‘l fràa Strozalüter!.

L'éra 'n fràa stredenàa, cun 'na fàcia smòrta e cun 'na bàrba spelufrìda che 'l paréva 'l pècc de 'na pégura, 'l purtàva 'n mandrùn piée de böcc e 'l gh’éra sü sàndai 'ncazzulàa cùma còren de vàca, 'l predicàva cun 'na bòria e 'na ràbia de scurentà i sas de l'Àda .

'Stu fràa 'l gh’èra sémpru 'n màa 'l Crucefiss e quàndu 'l predicàva 'l paréva rèe a picà 'l ral sùra la pòra gènt, finìi de predicà 'l sa mulàva trìi pugnatùn sü par 'l müs par dà esémpiu de peniténsa.

Alùra i prevàt i fasèva iscì, eh ..adès pü!

Chèla sìra la gèsa de S. Martìn l'éra ràsa rasénta. Sèt fèmni, tüti àvi e pìi, iéra pròpi ilò 'n tèi banch sùta 'l pülpit e i scultàva cùma puiàti che iè rèe a picà fo öv!

Matèi! Che prèdega la picàa giù 'l fràa Strozalüter!

I um iéra ilò tacàa stremìi par 'l castìgh de Diu prumetüü dal fràa e i sa maiàva 'l capèl, li fèmni i lüciàva cùma ùpupi cun li màa 'n tèi cavèi.

Stìi a scultà che pandemòni l'è sücedüü!

Al fràa, che 'n de 'na màa 'l gh’èra scià 'l Crucefìss e de l'òtra 'l türìbul piz 'l paréva ché 'l gh’é füss ciapàa föch 'l cül. L'usàva che i Tiranés iéra balòs e che 'l sarès sunàa li sèt trùmbi dèl giüdìzi üniversàl, de pentìs, e 'ntànt 'l sbarlatàva 'n scià e 'n là cùma föss dùi scudèsci crucefìs e türìbul.

Pòrca lòca;'n de 'n bot la 'ncrusàa int 'l fèr che 'l tegnìva sü 'l pülpit .

Vèrgini che culp sa sentüü.

La cràpa dèl Signùr dèl Crucefìs l'è sparàda vìa cùma 'n balìn de sciòp, l'è restàa anùma stùmach, brasc e gàmbi tacàdi àla Crus.

Scéndra e scarìzi iè piuüdi süra i sét àvi pìi.

Chèla pòra tésta l'è crudàda sùra i banch, la rimbalzàa par sèt òlti sùra li piàti dèl pavimént dèla gésa e la sa fermàda cun i öcc che i vardàva i sèt àvi cun i déncc che i martelàva. 'L parèva sunàa sèt bot a mezzanòcc iscì tant l'éra 'stacc 'l rumùr 'n chèl silénsi de tùmba!

Madòcìna!! Tüti li àvi iéra lì 'n dél banch tacàdi 'nsèma par 'l stremìzi e a üna la ga scapàa 'n grant pèt. E che pèt matèi!!

Alùra li àvi iéra bùni de petì cùma i gat a rampegà!

Chèl sì che l'éra 'n pèt nustràn de àva, pecàa che alùra 'l gh’éra gnamò 'l registradüü parchè 'l sarès stacc bèl tramandàl ai néuu.

Chèl pèt che la picàa fo l'àva l’éra ròba de mètel 'n curnìs!

L'è stacc 'n pèt lunch e cun 'na sgarzegàda che parècc um i sa tracc sùta i banch par paüra che 'l füss cedüü l'architràf dèla gèsa.

Senténdu l'intunaziùn, chél mùstru de 'n fràa la tacàa a cridàa cun li màa ulsàdi a Diu che chèl trun 'l segnàva la rüìna sü tüt Tiràn e la so discendénsa fina àla generaziùn dèl 2000.

Po, cùma se 'l füss stacc 'n can de càscia, la tacàa a usmà e dòpu 'n pit cun li màa 'n tèi cavèi la usàa: Mì sénti spüza de zòfrach, mì sénti calùr de fiàmi d' infèrnu, chéla che la petìi l'è fiöla dèl cabrùn etèrnu!

Dèi sèt àvi, üna l'è 'n demòni, chèla che la mulàa 'l pèt che spüza de zòfrach la sàbis metüda al rògo!

Li sèt àvi i burbutàva rusàri cùma 'n paröl de pulénta che bùi, i um i vardàva fo sut sut e i usmàva cùma can de càscia sénsa rüàch a capì de 'ndùa 'l rüàs la spüza de zòfrach.

Fàtu l'è che par trìi dì 'l fràa Strozalüter la cercàa de savè chi dèli sèt pìi àvi l'èra petìi, ma li àvi i sa mìga sbutunàdi.

Iscì l'ültìm dì de macc, i àvi iè stàci purtàdi de sùra, sùra 'n carèt

tiràa de dùu mans giù igliò àla "Giüstìzia" e iè stàci metüdi 'ntùran 'n pal cun 'n grant mutèl de legna.

'L ghèra igliò 'l fràa predicadùu, 'l Pudestà e tüta la gènt de Tiràn.

'L fràa, cun 'n fugherèl 'n màa piz, la tacàa a dì: U avi, sìi 'n sèt, üna de viòtri l'è chèla che la fàcc 'l pét che spüza de zòfrach, chèla l'è fiöla dèl cabrùn etèrnu, cun 'l fogherèl piz 'n màa völi üna a üna scültà 'l vos pèt par giüdicà!!

Alura üna per üna li àvi ià petìi, 'l fràa strazalüter l'usmàva e 'l giüdicàva!

Quàndu àla fìn la petìi l'àva Celestìna l'è stacc cùma sa 'l föss vegnìi giù 'l Canalùn, 'l pèt l'è stacc lunch e cun 'n burbutìu de còrni 'n tel valgèl. La tònaga del fràa la parèva 'na bandéra, 'l Pudestà l'è curüü a ramàa sü 'l capèl ilò 'n tèi sas de l'Àda, la gént la sa tacàda tüta 'nsèma par mìga èss tràcia giù bas.

Cùma 'l sarà stacc u mìga stacc l'àva Celestìna la sa pizzàda sü cùma sa 'l föss stacc 'n brasc de paiaröi, al fràa strozalüter 'l ga tacàa sü tònaga,bàrba e cavèi e l'è restàa biùt cùma 'l cül de 'n ciùn a musà li vergògni.

La pòra àva Celestìna l'è brusàda cùma 'n zufrànel cun 'na grant spüza de zòfrach.

***

Eh …chèsta l'è la stòria dell'àva Celestìna, ültima “stréga” brüsàda al rògo ilò àla “Giüstizia”, la so cùlpa l'éra stàcia, puarèta cùma l'éra, de maià par tüta la vìta anùma ròni e li ròni sa sa che i sgùnfia de ària che tìra de zòfrach e che sa pìza sü par poch u negùt.

Finìi la stòria dulurùsa, u stremenàa par 'n brasc 'l Pédru che 'l sciurgnàva tacàa 'l fugiulàa pìz, gòo dumandàa se chèla stòria tramandàda l'éra véra e verénta e lüü par rispòsta, cun 'n muimént de cülata che apéna i granc av i cunùs, la mulàa 'n pèt sèch cùma 'n curàl che la smursàa 'l füch e facc balà 'l paröl de ferüdi e po la dicc: maranèl de 'n bòcia, regòrdat sémpru che a èss puarèt e a avèch a che fa cun gènt che ià stüdiàa, sa ta scurègiat 'n tèl post sbagliàa i ta fa scià sémpre a rost.

Méngu